Ün cordial bainvgnü sün la pagina da la società Lischana

La società da chatschaders LISCHANA es üna secziun da l’Uniun grischuna da chatschaders da patenta (UGCP(BKPJV)).

In prüma lingia prosegua nossa società la mera d’unir las chatschadras ed ils chatschaders in nos cumün e regiun. I dess gnir promovü l’amicizcha tanter commembers e l’abiltà da trar cun l’arma da chatscha (cun tirs ed exercizi). Implü es nos böt da promover e da sustgnair ils interess dals chatschad/ras cun sustgnair las finamiras e’ls intents da l’UGCP e cumbattond tuot il fraud in qualunque temp.

Gronda importanza per nossa società es da mantgnair e chürar nossa natüra per bön da la flora e faun cun orgnaisar e manar tras dis da custodi ed oters evenimaints. La società Lischana es gnüda fundada sco üna da las prümas societats da chatscha in Grischun dal 1913 ed es eir dal prüm di davent commembra da l’uniun da chatscha da patenta Grischuna. La società da chatscha Lischana promova eir il contact cun la populaziun in fuorma da dis d’aventüra, refarats publics e cun lavurs da custodi a favur da la populaziun. La società da chatschaders Lischana Scuol es politicamaing neutrala.